TEXTO PARA REVISÃO - PARTE II

COLLOQUIUM DE BELLO TROICO

Pater: Quid, filius, hodie in schola a magistro vobis narratum est?

Filius: Magister nobis multa de bello Troico narravit.

P: Inter quos pugnatum est?

F: Græci et Troiani per decem annos inter se pugnaverunt.

P: Quis auctor fuerat hujus belli?

F: Paris, Priami filius, scelere improbo, hoc bellum excitavit.

P: Quis erat dux Græcorum?

F: Agamemno rex universo exercitui præerat, qui cum Troianis pugnavit. 
Ceteri duces ei obtemperaverunt.

P: Cuius frater erat Agamemno?

F: Frater erat Menelai, regis Spartæ.

P: Nomina alios duces Græcorum.

F: Omnium fortissimus erat Achilles. Alii duces erant Nestor, Ajax, Diomedes et Ulixes.

P: Cui Achilles amicus erat?

F: Patroclo amicus erat.

P: Quæ insula patria Ulixis erat?

F: Patria ejus erat Ithaca, parva insula.

P: Quo dolo Troiam urbem expugnavit?

F: Equum ligneum ædificavit, in quo nonullos viros occultavit, ut urbem intrarent.

P: Qui deus Ulixis inimicus erat?

F: Neptunus ei inimicus erat. Itaque Ulixes, post exitum belli, diu per maria erravit. 
Domi autem uxor ejus eum exspectabat.

P: Quod nomen erat uxori Ulixis?

F: Nomen ejus erat Penelopa.

P: A quo errores Ulixis celebrati sunt?

F: Ab Homero poeta, cujus carmina illustria sunt.